Trasplante pancreático

Continuando co tema do páncreas, na planta de dixestivo tamén contamos con pacientes trasplantados de dito órgano, ou que mesmo precisan do trasplante e están agardando a recibilo.

En termos xerais, un trasplante consiste na doazón dun órgano san, (neste caso o páncreas) procedente dunha persoa con morte cerebral pero que permanece con soporte vital. Debemos asegurarnos moi ben da compatibilidade entre doador e receptor.

Causas polas que precisamos dun trasplante:

Principalmente en persoas que sofren Diabetes Mellitus tipo I (DMI). O páncreas secreta unha sustancia chamada insulina, que é a que nos permite aproveitar a glicosa en sangue; cando temos DMI, o páncreas non é capaz de secretar dita sistancia, polo que chegamos a uns acúmulos de glicosa en sangue moi altos, que conlevan complicacións, tales como amputacións, cegueira, enfermidades cardíacas, renais, etc. Polo que o trasplante garantízanos a posibilidade de eliminar o tratamento con inxección de insulina; porén non se realiza dita operación en persoas acabadas de diagnosticar. Tamén se leva a cabo en persoas cun fallo no control da insulinoterapia, ou con problemas clínicos derivados de dita administración.

Noutros casos menos frecuentes teriamos os casos de Diabetes Mellitus tipo II (DMII); na cal o páncreas si secreta insulina pero é o corpo o cal non é capaz de empregala, e ao final co tempo acaba sen ser capaz de producila. (1)

Requisitos para ser receptor dun novo páncreas:

- Paciente menor 50 anos, e en idades superiores avaliar individualmente

- Ausencia de cornopatías severas

- Ausencia de trastornos psiquiátricos severos

- Ausencia de neuropatía incapacitante

- Pacientes con DMI con valores de creatinina >60ml/min, e proteinuria <2g/24h

- Pacientes con DMII idem a DMI pero ademais levar mais de 5 anos con tratamento de insulina e cun      IMC<30kg/m² (1)

Contraindicacións:

- Infección activa

- Alteracións na coagulación

- Drogadicción, alcoholismo activo

- Infarto de miocardio recente

- Neoplasia

- Obesidade severa

- Enfermidade psquiátrica

Procedemento:

- Antes da ciruxía

Unha vez comunicado a obtención do páncreas, o equipo de trasplante avaliará cal dos candidatos é o máis apropiado e pórase en contacto con dita perosa; a cal precisará mostras de sangue para analizar a compatibilidade ou para bsucar posibles infeccións; tamén precisrá de estudos cardíacos como un ECG.

Tras confirmarse a posibilidade de trasplante, a compatibilidade entre doante e receptor, o páncreas trasportarase nunha solución fría que o conserva ata un máximo de 20h.

Unha vez chegado o órgano nun estado aceptado para o trasplante, e co paciente debidamente informado, procedemos a realizar o acto quirúrxico.

Un dato a destacar e que o páncreas propio da persoa receptora non se extirpa, e o novo colocaráse no cadrante inferior dereito do abdome, que vai acompañado do duodeno, o cal se anastomoserá ao intestino do receptor ou incluso a vexiga; ademais de unir os vasos sanguíneos do páncreas aos do receptor. Dita operación lévase a cabo arredor dunhas 3 horas, podendo chegar a 6 h en caso de que se faga xunto cun trasplante renal. (2)

- Despois da ciruxía:

O paciente debe permanecer no hospital durante 3 ou 7 días máis, e unha vez que lle den a alta hospitalaria deberá realizar revisións e analíticas de sangue cada 1 ou 2 meses.

Complicacións:

Como calquera ciruxía, coa anestesia e a operación en xeral inclúe reaccións aos medicamentos e problemas respiratorios.

O trasplante en si inclúe trombosis nos vasos do novo páncreas, cancros tras uns anos despois do procedemento, pancreatitis, rexeito do novo órgano. (2)

Pronóstico:

Máis dun 95% sobrevive ao primeiro ano tras o trasplante, sendo do 1% a posibilidade do rexeito do órgano, mais deberanse tomar fármacos para evitar o rexeito.

Se o procedemento resulta existoso non precisará máis do tratamento con insulina. (2)

Bibliografía

 

(1)
.	Montiel MC, Pardo F, Rotellar F, Valentí V, Pastor C, Álvarez Cienfuegos J. Trasplante pancreático. An Sist Sanit Navar [Internet]. 2006 [2022 Dec 28];29:113–24. Dispoñible en: https://scielo.isciii.es/scielo.php?script=sci_arttext&pid=S1137-66272006000400011

 

(2)	Ciacio O, Pittau G, Cattan P, Durrbach A, Sa Cunha A. Trasplante de páncreas. EMC - Téc Quir - Apar Dig [Internet]. 2021 [2022 Dec 28];37(2):1–11. Dispoñible en: https://medlineplus.gov/spanish/ency/article/003007.htm