Flebitis

A flebitis é unha das complicacións que nos podemos atopar en calquera planta dun hospital na que se realicen insercións de vías venosas periféricas ou centrais, e que na planta de dixestivo e nefroloxía do CHUS tamén poden ter lugar.

A flebitis consiste na inflamación e irritación das veas, provacada por un corpo extraño, por medicación irritante ou pola contaminación bacteriana dun sistema intravenoso.

Tipos

- Mecánica

Máis común, está causada pola inserción dun catéter de gran calibre nunha vea de diámetro inferior, tamén pode estar causada por un traumatismo durante a colocación de dito catéter ou por un mal fixamento deste provocando movementos no interior da vea.

- Química

Está causada polos fármacos que son demasiado irritantes ou demasiado ácidos ou básicos, así como por solucións hipertónicas.

- Bacteriana

Está causada pola contaminación do sistema intravenoso durante a súa inserción, porén tamén pode deberse a unha baixa antisepsis da pel.

Clasificación

Segundo os síntomas que nos atopamos, podemos clasificar a flebitis nunha escala do 0 ao 4, sendo o 0 sen síntomas e o 4 a complicación máis grave desta.

• 0: asintomática
• 1: eritema con/sen dor
• 2: eritema e pode haber edema con dor
• 3: eritema con dor, formándose estrías ou un cordón venoso palpable
• 4: eritema con dor, estrñias, cordón venoso palpable e secreción purulenta

Solucións

O primeiro que se debe facer é retirar o catéter canto antes, controlando a zona de punción e aplicar paños ou compresas húmidas quentes durante polo menos 3 días, e se é necesario complementalo coa administración de AINEs (antiinflamatorios non esteroideos) orais.

 

Bibliografía

(1)  Rosenthal Kelli. Cuando aparece la flebitis. Nursing.  (Abril 2022); Vol.25 (4): 47. 

https://www.elsevier.es/index.php?p=revista&pRevista=pdf-simple&pii=S0212538207709044&r=20