Cáncer de fígado

A incidencia do cáncer de fígado incrementou considerablemente nestes últimos anos. Ocorre cando as células do fígado (hepatocitos) comezan a proliferar descontroladamente, de maneira que se produce a neoplasia. 

As neoplasias do fígado poden ser: (1) (2) 

• Benignas: aquelas que non soen presentar síntomas, ou aparecen con malestar no hipocondrio dereito, hepatomegalia ou hemorraxia. Exemplos como quistes hepáticos, granulomas ou hemanxiomas que se poden extirpar quirúrxicamente. 

• Malignos: entre os máis coñecidos se atopan:
• Hepatoblastoma: cáncer de fígado que se dá en lactantes e nenos menores de 3 anos. Pode aparecer naqueles nenos que naceron de forma prematura ou son portadores por herencia familiar da poliposis adenomatosa. Este tipo trátase con quimioterapia e cirurxía, e raramente soe metastamizarse. (3)

• Colanxiocarcinoma: provén dos texidos dos conductos que conectan o fígado cá vesícula biliar e a vesícula biliar co intestino delgado. Tamén se chama cáncer de vías biliares pola súa afectación. Crecen de maneira lenta e non fan metástase durante períodos prolongados. (1)

• Carcinoma hepatocelular: o máis común dos tumores malignos entre un 80-90%, supoñendo a quinta causa de morte no mundo. Polo que vaise profundizar neste tipo de tumor.

(4)

O carcinoma hepatocelular pode presentarse como un tumor ben definido ou pouco definido con patrón de infiltración. A maioría dos pacientes con esta patoloxía soen ter máis de 50 anos e é máis común en homes que en mulleres. Pode facer metástase, e cando o  fai, soe ir aos ganglios linfáticos cercanos e aos pulmóns, o que se lle recoñece pola súa malignidade. 

Frecuentemente aparece a causa dunha cirrose ou por hepatites víricas.(1)

Na maioría dos casos, non presenta ningún síntoma ata etapas máis tardías no seu desarrollo. E se existe un cirrose previa, non existen máis síntomas que os relacionados con ela, pero se ocorre nun fígado san, aparecerá co tempo insuficiencia hepática acompañada dos seguintes síntomas: (1) (2)

• Sensibilidade ou dor abdominal
• Ascite
• Tendencia ao sangrado.
• Ictericia
• Hipoglucemias
• Encefalopatía

No seu tratamento, destaca o fármaco sorafenib, que demostrou ter freado o crecemento deste tumor, pero non é suficiente para remitilo, polo que se recomenda ademais a quimioterapia para destruír as células tumorais. Se non se conseguen bós resultados, recúrrese a cirurxía ou terapias específica, seguindo diferentes criterios: (2)

• Tumores pequenos que non poden ser extirpados: alcoholización intratumoral, que consiste nunha inxección percutánea baixo control ecográfico.
• Tumores pequenos en pacientes con boa función hepática: tumorectomía
• Tumores de gran tamaño (> 5 cm): coidados paliativos con terapia de embolización. Esta terapia consiste en inxectar sustancias directamente nunha arteria do fígado para bloquear ou reducir o fluxo de sangue ao tumor. (5)
• Cirrose con tres ou máis tumores pequenos con acceso complexo: Trasplante hepático. 

BIBLIOGRAFÍA

1. Cáncer de hígado. CancerQuest. Consultado el 23-12. Disponible en: Cáncer de hígado | CancerQuest
2. Sangro, Dr. Bruno. Hepatocarcinoma. Clínica Universidad de Navarra. Consultado el 23-12. Disponible en: Hepatocarcinoma: qué es, causas, síntomas y tratamiento. Clínica Universidad de Navarra (cun.es)
3. Katzenstein, Howard M, Aguado, Allison. Hepatoblastoma. KidsHealth. Consultado el 23-12. Disponible en: Hepatoblastoma (para Padres) - Nemours KidsHealth
4. Imaxe. Disponible en: Algunas personas siguen en riesgo de padecer cáncer de hígado a pesar del tratamiento contra la hepatitis C | ASSCAT (asscat-hepatitis.org)
5. Terapia de embolización para el cáncer de hígado. American Cancer Society. Consultado el 23-12. Disponible en: Terapia de embolización para el cáncer de hígado (cancer.org)